7th house – Saptam jyotish bhav ko Dara Bhav or Kalatra Bhav or Yuvati Bhav se bhi jaana jaata hai. Ye bhav mukhyata vivah, life partner, business partner aadi se sambandhit hai. Lagn bhav (ascendant) uday hai to saptam bhav ast (descendent) hai, to jo bhi lagn me uday hota hai vo is bhav me ast ho jaata hai.
7th house lagn bhav se ekdum opposite bhav hai or jivan saathi bhi hamse ekdum opposite hota hai – or yahi baat saptam bhav ke is kaarkatv ko sateek karti hai. Lagn ke opposite hone se ye bhav Maarak bhav bhi ban jaata hai.
7th house halanki ek kendra bhav hai, par ye bahut accha ya pavitra kendr nahi maana jaata. Shastron ke anusaar yadi saptamesh ki ya 7th house me baithe graha ki dasha aa jaye to navagraha shanti karm jaroor karaana chahiye, nahi to saptmesh ya 7th house me sthit graha apna fal poori tarah se nahi de payega.
7th house se kya dekhte hain?
Saptam bhav se mukhyata vivah, jivan saathi, live-in-relations, patni, premi, sex life, gupt prem sambandh aadi dekhe jaate hain. Iske alaava business partnership, vyaapar, samjhouta, videsh yatra, pad prapti, evam public image aadi bhi isi bhav se dekhe jaate hain.
Kaalpurush rashichake ka saptam bhav Tula hai jo Shukr ke swamitva ki rashi hai or 7th house ka kaarak bhi Shukr hai. Purush jatak me patni ka kaarak Shukr or stree jatak me pati ka kaarak Brahaspati hain. Yadi purush jatak ki kundli me Shukr saptam bhav me ho to ye shubh nahi maana jaata, par agar Shukr ucch ka, ya apni rashi ka ya lagnesh hokar saptam me hai to itna bura bhi nahi maana jaata.
Saptam bhav ya saptamesh lagnesh se jyaada powerful nahi hona chahiye, q ki aisi sthiti jatak ko hamesha dabboo or bahut jyada vinamra bana deti hai. Aisa jatak doosron ke liye jyada akarshit nahi rah paata or kaayar ya bheeru ke roop me jaana jayega.
7th house ka mukhya karakatv vivah hai, ek aisi kriya jo hame khud se kaafi alag le jaati hai. Ye ek social agreement hai use angikaar karne ka, pyaar karne ka or support karne ka jo hamse har tareeke se totally different ho sakta/sakti hai. Mostly vivah ke baad ek nayi zindagi shuru hoti hai jo zimmedaarion, farjon or naye anubhavon ke pitaare kholti hai.
Physically pet ka nichla hissa, koolha, badi aant or gurda is bhaav se dekhe jaate hain. Natural Zodiac yaani kaalpurush rashi chakra me ye Tula rashi hai jiske swami Shukra hain. Karmaadhipati Shani is rashi ucch ke hote hain or koi graha yahan neech ka nahi hota.
You may like to read: Navagraha Saturn – ज्योतिष में सबसे रहस्यमय ग्रह शनि सबसे उदार कैसे ?
Or you may like this: Libra Tula rashi in Hindi – तुला राशी के sign में तराजू किसलिये ?
Or may be this: Navagraha Venus – आधुनिक जीवन में सबसे महत्वपूर्ण भावों के स्वामी शुक्र
8th house – Mrityu or Aayu ka bhav
Ashtam bhav ko kundli ka black hole maana jaata hai. 8th house ko Randhra Bhav ya Mrityu bhav se bhi jaana jaata hai. Ashtam bhav ko agar sabse rahasymay bhav kahen to ye koi atishyokti nahi hogi. Is bhav se life span or mrityu ka roop – ki kis prakar death hogi – bimaari se, accident se , poisoning aadi ye sab cheejen ashtam or ashtamesh se dekhi jaa sakti hain.
Is bhav ke baare me Jyotish me bahut alag alag point of views hain. Kuchh maante hain ki ashtam bhav ko kamjor hona chahiye taaki uski shakti ksheen ho or balheen hokar jyaada problem na kar sake. Kuchh or maante hain ki ashtam bhav strong hona chahiye q ki ashtam strong hoga to aayu badhaayega or disease free rakhega. Ashtam bhav me uska swami hi normally achha hota hai.
8th house se kya dekhte hain?
Ashtam bhav se aayu, mrityu ki jagah evam vajah, rukaavaten, vichhed or badlaav, akasmik vipada, praandand, gupt ya gade dhan ki prapti, paitrik dhan, vasiyat, uttaraadhikaar, videsh yatra aadi dekhe taate hain. Stree jatak me ye mangalya bhav hai.
Iske alaava padachyuti, achanak giravat, niraadar, haar, adhyatm ki khoj, jivan saathi ki sampatti, gupt kriya evam shadyantra, hidden talents, gupt sambandh, rahasya or guhya vidya, asaadhya or deergh kaleen rog tatha vaivahik jivan ke samjhote aadi bhi isi bhav se dekhe jaate hain.
Ashtam ko jyotish me Black hole isliye maana gaya hai q ki jo bhi graha yahan sthit ho ya is bhav se associate ho to vo apna krakatv or characteristic kho deta hai. Is bhav se sambandhit grah shubh bhi ho ya shubh bhavon ke swami bhi ho to vo bhi ashubh ban jaate hai. Magar iska doosra pahlu yah hai ki agar kundli me ashubh grah jo ashubh bhavon ke swami bhi hon, ve agar ashtam bhav se sambandh banaayen to ye ek prakaar ka Rajyog bhi banate hai.
7th house se doosra bhav hai ashtam bhav. 7th house me vivah jab sansthit ho jaata hai tab hame bahut badlaav or samjhoton se gujarna padta hai. Janm ka parivaar chhoot jaata hai, naye sambandh, naye rishte bante hai. Dheeraj or samagrata ki adhiktam pareeksha hoti hai or agar sahi tareeke se handle kiya jaye to shaadi umr bhar chalti hai. Ashtam bhav isliye bhoot or bhavishya ka sangam point ban jaata hai or isi kaaran ye bhav jyotish se bhi sambandh rakhta hai.
Ashtam bhav ko “Trishadhaay” tatha “Dush sthaan” yane pratikool or bura bhav bhi maana gaya hai, yahan par isi bhav ke swami ko chhod kar koi bhi grah shubh nahi maane jaate. Khaaskar Chandrma ki upasthiti is bhav me bahut hi ashubh maani gayi hai q ki ye baalaarisht ka kaaran ban bachhon ke liye dusht fal deti hai. Is tarah ke ashubh sthiti ke liye khaas shaanti karm or upaayon ki jaroorat padti hai. Shani jo aayu ke kaarak hain vahi is bhav ke bhi kaarak hain.
9th House – Pita ka evam dharm ka bhav
Navam jyotish bhav Dharm bhav evam bhagya bhav se jaana jaata hai. Kundli me ye ek mahatvpoorn bhav hai jo jatak ke dharm or devbhakti ke taraf rujhaan dikhata hai. Jivan me kisi bhi tarah ki unnati or sukh ki sthirta ke liye navam bhav or navamesh ka strong hona bahut jaroori hota hai.
Agar kundli me navam bhav or navamesh strong nahi ho to life me permanency nahi rahti, or jatak bahut uthega or usi tarah bahut neeche bhi aa jayega. Yadi navam bhav or navamesh kamjor ho or kundli me strong dhan bhav ya dhan yog ho to bhi dhan sthir nahi rahega, dhan aayega or chala bhi jaayega.
Navam bhav se kya dekhte hain?
Navam bhav se pita, adhyapak, shikshak, guru, aishwary evam soubhagya, dharm, adhyatm, teerth yatra, lambi yatra, upaasna evam dharm ke prati jhukaav, bhakti or dhaarmik anushthaan, dayaaluta, naam yash, videsh yatra, paanditya, grand children evam uchh shiksha aadi dekhe jaate hain.
Saptam bhav me vivah ke baad, ashtam bhav me jo trasnformation – badlaav ki gunvatta hai vo navam bhav me aakar sahi disha me settle ho jaati hai; is tarah se ki jivan me establish ho kar ab jo dharm ka raasta hai use apnaaya jaye.
Physically ye bhav pair ke upari hisse or jaangh se sambandh rakhti hai. Natural zodiac yaani kaalpurush rashichakr me ye Dhanu rashi hai jiske swami Brahaspati hain. Surya or Brahspati is bhav ke kaarak hain. Navam jyotish bhav dharmkon (religious trine) ka sabse important teesra kon (trine) hai.
Join the Discussion!